7 қазан күні Ауғанстанның батысындағы Герат провинциясындағы 6,3 балдық жер сілкінісі болды
Ұлттық ұланның Y8F200W ұшағына Астана, Алматы, Шымкент қалаларынан 1200 адам паналайтын 70 шатыр, жалпы салмағы 6 тоннадан асатын дәрі-дәрмек тиелді. Бұл дәрі-дәрмектің тізімі Ауғанстан тарапы сұратқан тізбе бойынша жасақталған, деп хабарлайды Sarbaz.kz.
Атап айтқанда, азитромицин, ибупрофен, цефтазидим, парацетамол сияқты ыстық түсіретін, қабынуға қарсы препараттар мен антибиотиктер жеткізілді.
Ауғанстанның жер сілкінісі салдарымен күрес штабының өкілі Гарвал Абдул Салтанат Герат провинциясындағы зілзала кезінде қирандыға айналған 13 елді мекеннің тұрғындарына әлі де шатырлар мен медициналық бұйымдар, дәрі-дәрмек өте қажет екенін айтады.
Айта кетейік, 7 қазан күні Ауғанстанның батысындағы Герат провинциясындағы 6,3 балдық жер сілкінісінен 2053 адам қаза тауып, 9 мыңнан астам адам жарақат алған.