122 жол-көлік оқиғасы тіркеліп, 122 адам зардап шеккен
Фото ашық дереккөзден
Жыл басынан бері елорда аумағында 122 жол-көлік оқиғасы тіркеліп, 122 адам зардап шегіп, 7 адам қаза тапты. Бұл туралы қалалық Полиция департаментінің мамандары мәлім етті, деп хабарлайды Sarbaz.kz тілшісі.
Жол-көлік оқиғасының негізгі себептерінің бірі – жаяу жүргіншілердің жол қозғалысы ережесі талаптарын бұзуы. Бұл ретте Астана қаласы Полиция департаментінің қызметкерлері «Royal Driving» автомектебімен бірлесіп, «Жаяу жүргінші» жедел алдын алу іс-шарасы шеңберінде рейд ұйымдастырды. Мұндай рейд қала көшелерінде жол-көлік оқиғасын азайту мақсатында жыл басынан бері апта сайын жүргізіліп келеді.
«Жедел-алдын алу іс-шарасын өткізу шеңберінде Астана қаласы ПД жеке құрамы жыл басынан бері барлығы 16 914 бұзушылық анықтады» делінген ақпаратта.
Сонымен қатар ҚР ӘҚБтК 615-бабы бойынша (жаяу жүргіншілердің және жол қозғалысына өзге де қатысушылардың жүріп-тұру ережелерін бұзу) 6 498 құқық бұзушы анықталған.