900-ден астам шетелдік елден аластатылды
Фото ашық дереккөзден
Елімізде 2-8 қазан күндері «Заңсыз келуші» жедел-профилактикалық іс-шарасы өтті. Бұл туралы ІІМ өкілі Шұғыла Тұрлыбек мәлім етті, деп хабарлайды Sarbaz.kz.
«Шараның мақсаты – заңсыз көші-қон арналарын анықтау және оның жолын кесу. Операция барысында көші-қон заңнамасын бұзған 8303 шетелдік, сонымен қатар шетелдіктердің елде болу ережесін дұрыс қамтамасыз етпеген 2632 адам мен шетелдік жұмыс күшін тарту ережелерін бұзған 537 адам жауапкершілікке тартылды. Елден 931 шетелдік азамат шығарылды. Тәуелсіз мемлекеттер достастығы елдерінен келген шетелдіктер арасынан 22 қылмыскер ұсталды», - дейді ол.