Бұл туралы Мемлекет басшысы республикалық педагогтер съезінде айтты
Фото: akorda.kz
Мемлекет басшысы Қасым-Жомарт Тоқаев республикалық педагогтер съезінде Қазақстан Конституция бойынша зайырлы мемлекет екеніне назар аударып, қоғамда қызу пікірталасқа ұласқан дін мәселесіне байланысты пікір білдірді, деп хабарлайды Sarbaz.kz тілшісі Ақорда сайтына сілтеме жасап.
«Бұл қағида барлық жерде, соның ішінде білім беру мекемелерінде қатаң сақталуға тиіс. Мектеп – ең алдымен, білім ордасы. Балалар мектепке білім алу үшін барады. Ал діни ұстаным – әр азаматтың жеке мәселесі, өз таңдауы. Елімізде дін бостандығына заңмен кепілдік берілген. Балаларымыз есейіп, дүниетанымы толық қалыптасқан соң өз таңдауын жасағаны дұрыс деп санаймын. Ең бастысы, көзқарасы айқын, санасы сергек әрі дәстүрге берік ұрпақ тәрбиелеу керек», – деді Президент.