Астанада оқушыларға арналған күзгі әскери-патриоттық жиын өтіп жатыр

Елорданың №68665 әскери бөлімінде мектептердегі «Жас сарбаз» сыныптарының тәрбиеленушілеріне арналған «Жас сарбаз – күзгі патриоттар мекені» әскери-патриоттық жиынының ашылу салтанаты өтті, деп хабарлайды Sarbaz.kz.

Үш күнге жалғасатын іс-шараға Астана қаласының жалпы білім беретін мектептерінен барлығы 150 оқушы қатысуда. Көп ішінен іріктеліп алынған үздіктер қашықтыққа граната лақтыру, арнайы кедергілерден өту, арқан тарту, кермеде тартылу секілді әскери-эстафеталық сайыстар бойынша бақ сынайды. Сайыс жеңімпазы арнайы жолдамаға ие болады.

Ұйымдастырушылардың айтуынша, аталған әскери-патриоттық дала жиыны жыл сайын көктем мен күзде екі мәрте өтіп тұрады. 2018 жылы алғаш рет өткен жарыс биыл бесінші рет ұйымдастырылып отыр.

«8-11 сынып оқушылары әр мектепте арнайы пән бойынша алғашқы әскери дайындықтан өтетінін белгілі. Біздің мақсатымыз – олардың сол білімдерін одан әрі толықтырып, әскери бөлім базасында іс-тәжірибеден өткізу. Осы арқылы олардың жігерін жанып, рухын оятып, отансүйгіштікке баулу. Бұл іс-шаралар жастарымызды кәсіби бағыттауға, әскери мамандарымыздың сабын толықтыруға септігін тигізеді деп сенеміз», - деді Астана қаласы әскерге шақыру комиссиясының мүшесі Ғани Артықов.

«Күзгі әскери-патриоттық ойындар жыл сайын ұйымдастырылады. Мақсат – жасөспірімдерді отансүйгіштікке баулу, әскери өмірдің қыр-сырымен таныстыру. Биылғы әскери-эстафеталық сайыстарға 7 команда қатысады. Әр командада 15 ұл, 5 қыз бар. Эстафета жеңімпаздары келесі жылы өткізілетін «Айбын» республикалық дала жиынына жолдама алады», – дейді «Жас сарбаз» жаcөспірімдер әскери-патриоттық қозғалысы РҚБ Астана қалалық филиалының төрағасы Асхат Налшыбек.

«Бүгінгі жарысқа 28 оқушының арасынан үздік нәтиже көрсетіп жүрген 5 оқушыны алып келдім. Оқушыларымның арасында болашағын әскери саламен байланыстыруды көздеп отырғандар бар. Бүгінгі іс-шара оларға жақсы дайындық болмақ», – дейді Сәкен Сейфуллин атындағы №80 мектеп-гимназиясының алғашқы әскери дайындық пәнінің оқытушы-ұйымдастырушысы Аркен Ташубаев.

Әскери-патриоттық ойындардың ашылу салтанаты концертпен сүйемелденді. Одаң соң оқушыларға жауынгерлік қару-жарақ пен техниканың түрлері көрсетілді.

 

__Последние новости

  • Басты назарда

«Жеңіс тарихы» атты іс-шара

03/04/2025 - 13:09
  • Басты назарда

Сарбаз, әскери антқа адал бол!

02/04/2025 - 15:43
  • Басты назарда

Жеңіс шеруіне дайындық

02/04/2025 - 09:07
  • Басты назарда

Ағаш өңдеу кәсібін игеріп шығады

01/04/2025 - 15:42
  • Басты назарда

Жаңару күндері табиғат та жаңғырды

31/03/2025 - 12:36
  • Басты назарда

Ұлыстың ұлы күні ұлықталды

30/03/2025 - 16:38
  • Басты назарда

Күн мен түннің теңелуін тойлады

30/03/2025 - 12:34
  • Басты назарда

«Әке көрген оқ жонар»

27/03/2025 - 10:14
  • Басты назарда

ҚАРТТАР ҮЙІНДЕГІ ҚАЙЫРЫМДЫ ШАРА

26/03/2025 - 10:14
  • Басты назарда

Меморандумға қол қойылды

25/03/2025 - 11:09
  • Басты назарда

«Отанды қорғау – қасиетті борыш»

24/03/2025 - 14:06
  • Басты назарда

ШАТТЫҚҚА ТОЛЫ ШАҢЫРАҚ

24/03/2025 - 10:03
  • Басты назарда

ҰЛТТЫҚ ТАҒАМДЫ ҰЛЫҚТАУ

23/03/2025 - 15:55