Өзбекстанда президенттік сайлау 9 шілдеде өтті
Фото ашық дереккөзден
Өзбекстанның ОСК төрағасы Зайниддин Низамходжаев мерзімінен бұрын өткен президенттік сайлау қорытындысын жариялады, деп хабарлайды Sarbaz.kz.
Мирзиеев 87,05 пайыз дауыс жинаған.
Өзбекстанда президенттік сайлау 9 шілдеде өтті. Мемлекеттік ОСК мәліметінше, сағат 17:00-дегі жағдай бойынша сайлауға 69,85% халық қатысқан. 13 млн 459 мың 677 адам дауыс берген.
Президенттік сайлауда жеңіске жету үшін үміткер халықтың 50 пайыздан көп даусын жинауы керек.
Осыған дейін Мемлекет басшысы Қасым-Жомарт Тоқаев Өзбекстан президенті Шавкат Мирзиеевпен телефон арқылы сөйлескен еді. Екеуара әңгіме барысында ол Мирзиеевті сайлаудағы сенімді жеңісімен құттықтады.