Тоқпен ұшатын көлік бір зарядтан 320 км-ге дейін әуе жолында жүре алады
Фото ашық дереккөзден
Калифорниялық «Alef Aeronautics» компаниясының әуеде ұшатын «Модель А» автокөлігі алдын ала тапсырыс беру үшін қолжетімді. Оған компанияның веб-сайты арқылы тапсырыс беруге болады. Көліктің бағасы 300 мың доллардан басталады, деп хабарлайды Sarbaz.kz тілшісі New York Post агенттігіне сілтеме жасап.
«Alef Aeronautics» компаниясы федералды авиация әкімшілігінен (FAA) өзінің «Модель А» ұшатын көлігін сынақтан өткізуге рұқсат алды. Бұл қарапайым көлікке ұқсаса және ұшуға рұқсаты бар алғашқы автомобиль.
«Мұның тарихи маңызын асыра бағалау мүмкін емес. Бұл автомобильге ұқсайтын көлік бірінші рет ұшуға рұқсат алды», – деді Alef компаниясының бас директоры Джим Духовный.
Alef көлігі екі орынды, толық электромобильді және кез келген орташа гаражға сәйкес келеді. Тоқпен ұшатын көлік бір зарядтан 320 км-ге дейін әуе жолында жүре алады. Сондай-ақ тігінен ұшуды біледі. Бұл әдіспен батарея 180 км жолға жетеді.