Мәскеудегі оқиғадан кейін Еуропада лаңкестік әрекеттерден қорқа бастады
Gonzalo Fuentes / Reuters
Биылғы 26 шілде мен 11 тамыз аралығында өтетін Париж Олимпиадасы лаңкестердің «басты нысанасына» айналуы мүмкін. Бұл туралы Батыстың барлау көздері мен сарапшыларына сілтеме жасай отырып The New York Times газеті хабарлады.
Мен Париждегі Олимпиада ойындарына алаңдаймын. Әлемдік дода террористердің негізгі нысанасы болуы мүмкін, – деп келтіреді басылым БҰҰ бақылаушылар тобының үйлестірушісі Эдмунд Фиттон-Браунның сөзін.
NYT агенттігінің хабарлауынша, лаңкестікке қарсы күрес жөніндегі Батыстың басқа сарапшылары да осындай пікірде. Олардың пайымдауынша, «Крокус Сити Холлдағы» теракт «Ислам мемлекеті» (Ресейде тыйым салынған террористік ұйым) Еуропа елдеріндегі, әсіресе Франция, Бельгия және Ұлыбританиядағы шабуылдарды екі есе азайтуға итермелеуі мүмкін.
Батыс елдерінің бірінің аты-жөнін атамаған барлау офицері NYT агенттігіне содырларды шабуылға итермелейтін негізгі фактор ретінде Еуропадағы «тыныш жатқан топтар» мен Газа секторындағы жағдай болуы мүмкін екенін айтты.
«Крокус Сити Холлдағы» лаңкестік әрекеттен кейін Франция президенті Эммануэль Макрон Қорғаныс және ұлттық қауіпсіздік кеңесін шақырып, онда лаңкестік қауіптің деңгейін ең жоғарыға көтеру туралы шешім қабылданды.
BFMTV арнасының хабарлауынша, олар Олимпиада ойындарында қауіпсіздікті қамтамасыз ету үшін 2 мыңға жуық адамды, оның ішінде муниципалды полиция қызметкерлерін де тартуды көздеп отыр.
Айта кетейік, «Крокус Сити Холлдағы» терактіге қатысы бар деген күдікпен ұсталғандардың барлығы 22 мамырға дейін қамауға алынды.