«Defense News» журналы әлемнің ең беделді 100 қорғаныс өнеркәсібінің тізімін жариялады
Көрнекі фото ашық дереккөзден
Америка Құрама Штаттарында шығатын «Defense News» журналы жариялаған әлемнің ең беделді 100 қорғаныс өнеркәсібінің тізіміне Түркияның 4 компаниясы енді, деп хабарлайды Sarbaz.kz тілшісі TRT ақпарат агенттігіне сілтеме жасап.
Аталған журналда жарияланған қорғаныс өнеркәсібі саудасына негізделіп жасалған 2023 жылдың «Defense News Top 100» тізімінің 47-орнына ASELSAN түрік компаниясы жайғасқан. Былтыр бұл компания осы тізімнің 49-орнында болған. Биылғы тізімде ASELSAN түрік қорғаныс өнеркәсібінің көшін бастап тұр.
Сонымен қатар былтырғы тізімде 67-орында болған TUSAŞ компаниясы биыл 58-орынға, ROKETSAN компаниясы (2022 жылы 86-орында болған) 80-орынға көтерілген.
Тізімге биыл бірінші рет енген кеме жасаумен айналысатын ASFAT әскери зауыты тізімнің үздік жүздігін түйіндеп тұр.
