Екі ел президенті бейбіт келісім бойынша жұмысты жалғастыруға келісті
Sven Hoppe / dpa / Global Look Press
Армения премьер-министрі мен Әзербайжан президенті бейбіт келісім бойынша жұмысты жалғастыруға келісті. Олардың кездесуі Германияның бастамасымен Мюнхен қауіпсіздік конференциясының аясында өтті, деп хабарлайды Sarbaz.kz РБК сайтына сілтеме жасап.
Армения премьер-министрі Никол Пашинян мен Әзербайжан президенті Ильхам Әлиев Германия канцлері Олаф Шольц қатысқан Мюнхендегі қауіпсіздік конференциясындағы үшжақты кездесудің нәтижесі бойынша бейбітшілік шарты бойынша жұмысты жалғастыруға шешім қабылдады.
Армян-әзербайжан қатынастарын қалыпқа келтіру процесі және аймақтағы бейбітшілік пен тұрақтылықты қамтамасыз етуге бағытталған қадамдар талқыланды. Бейбіт келісім бойынша жұмысты жалғастыру туралы шешім қабылданды, - дейді Армения тарапы.
Әзербайжандық БАҚ-тың ақпаратынша, кездесу барысында армян-түрік қатынастарын қалыпқа келтіру, бейбіт келісімге қол қою және Баку мен Ереван арасындағы шекараларды делимитациялау мәселелері талқыланған.
Айта кетейік, Әзербайжан мен Армения бірнеше жыл бойы бейбітшілік келісіміне қол қою туралы келіссөздер жүргізіп келеді. 2023 жылдың сәуірінде Пашинян бірқатар шарттарды орындалатын болса, келісімге қол қойылуы мүмкін екенін айтқан болатын. Оның айтуынша, Армения аумағы республика тәуелсіздік алған 1991 жылғы шекарамен сәйкес келуі керек.