Ккелісім бірнеше кезеңнен тұрады
FATIMA SHBAIR/ASSOCIATED PRESS
The Wall Street Journal газетінің хабарлауынша, халықаралық делдалдар Израиль мен радикалды ХАМАС қозғалысы арасында 4 айға атысты тоқтатып, Газа секторында кепілге алынған адамдарды босату туралы жаңа келісім әзірлеуде.
Жаңа келісім бірнеше кезеңді қамтиды. Біріншіден, шұғыл медициналық көмекке мұқтаж балаларды, әйелдер мен қарттарды босатуға мүмкіндік беру үшін алдымен атыс 6 аптаға тоқтатылады. Оның орнына Израиль палестиналық тұтқындардың едәуір санын босатады және Газаға гуманитарлық көмек ағынын арттырады.
Шенеуніктер атап өткендей, ХАМАС Израильдің әйел сарбаздарын, содан кейін ер сарбаздарын босата бастайды. Ал палестиналық қозғалыс халықаралық кепілдіктерге ие болады. Соның ішінде АҚШ-тың кепілдігімен атыс үзілісі кезінде соғыстың түпкілікті аяқталуына әкелетін жан-жақты келісімге қол жеткізіледі.