Өткен түнде Ауғанстанда қайғылы оқиға болды
Francois Mori/AP
Мәскеуге бет алған ұшақ Ауғанстанның солтүстік-шығысында апатқа ұшырады, деп хабарлайды Sarbaz.kz euronews сайтына сілтеме жасап.
Ақпаратқа сәйкес, ұшақ Бадахшан провинциясында техникалық ақауға байланысты құлаған.
«Талибан» қозғалысы өкілдерінің мәлімдеуінше, оқиғаның мән-жайын анықтау үшін аймаққа арнайы топ жіберілген.
Росавиацияның хабарлауынша, Ауғанстанда радардан жоғалып кеткен ұшақ Athletic Group компаниясына тиесілі, оның бортында 6 адам болған.
Санитарлық рейспен ұшып шыққан ұшақ Ташкент арқылы Мәскеуге бет алған. Росавиация Ауғанстан мен Тәжікстанның авиациялық билігімен байланыста.