Жексенбіге қараған түні Ресей әскері Украинаны «Шахед» дрондарымен және үш С-300 зымыранымен шабуылдады
AP/Efrem Lukatsky
Зымыран түскен Покровский ауданындағы үйінділерді тазалау әлі жалғасып жатыр. Соққы салдарынан кем дегенде 11 адам қайтыс болды, деп хабарлайды Sarbaz.kz euronews сайтына сілтеме жасап.
Әскери мәліметтерге сәйкес, украиналық Әуе қорғанысы күштері 28 ұшқышсыз ұшу аппараттарының 21-ін қағып түсірді. Шабуылдың негізгі бағыттары елдің оңтүстігі мен шығысы болды. Соққы салдары туралы әлі толық хабар жоқ.
Сенбіде Донецк облысының Покровский ауданында Ресейдің соққысынан кейін кем дегенде 11 адам қайтыс болды, оның 5-і бала. Қайтыс болғандар саны одан да көп болуы ықтимал, себебі үйінділерінің астында 6 адамға дейін болуы мүмкін.
Украина президенті Владимир Зеленский кешкі үндеуінде Ресей мұндай шабуылдардың әрқайсысының салдарын сезінуі керек деп мәлімдеп, мұндай соққылардың ешқайсысы салдарсыз қалмайтынын айтты.
Айта кетейік, сенбіде Украинаның қарулы күштері (КҚК) Қырымдағы «Сақтар» аэродромына соққы берген болаты. Украинаның барлау қызметі соққыдан оқ-дәрі қоймалары мен бірнеше радиолокациялық станциялар жойылғанын айтады. Ресей тарапы соққы фактісін растаған жоқ.