Ұлыбритания хусит бүлікшілеріне әуе шабуылдарын қарастырып жатыр
OSAMAH YAHYA/EPA-EFE/Shutterstock
Қорғаныс министрі Грант Шэппстың айтуынша, Ұлыбритания Қызыл теңіздегі жүк кемелеріне жасалған шабуылдарына байланысты "тікелей әрекет етуден" тартынбайды, деп хабарлайды Sarbaz.kz telegraph.co.uk сайтына сілтеме жасап.
Ұлыбритания АҚШ-пен бірлесіп, Йемендегі Иран қолдап отырған хуситтерге қарсы әскери соққылар жасауды жоспарлауға кіріскен. Оған себеп - хуситтердің әлемдік сауда жолдарына кедергі келтіріп, кемелерге шабуыл жасауы.
Грант Шэппс хуситтерге Ұлыбританияның қауіп-қатерді болдырмау үшін барынша әрекет етуге дайын екенін ескерткен. АҚШ пен Ұлыбритания бұрын-соңды болмаған бірлескен мәлімдеме дайындап, хуситтерге шабуылдарын тоқтату туралы соңғы ескерту жасамақ.
Қорғаныс министрлігі қарастырып жатқан нұсқалардың бірі - зымыран тасығыш HMS Diamond кемесін қолдау үшін Парсы шығанағы аймағында жүрген 23 типті HMS Lancaster фрегатты Қызыл теңізге ауыстыру.