Зымырандар АҚШ-тың Annapolis атомдық сүңгуір қайығы Оңтүстік Кореяға келгеннен кейін ұшырылған
Фото ашық дереккөзден
Дүйсенбіде КХДР Жапон теңізіне қарай екі баллистикалық зымыран ұшырды. Бұл туралы Sarbaz.kz «Ренхап» Оңтүстік Корея қарулы күштері штаб бастықтарының Біріккен комитетіне (JCS) сілтеме жасап хабарлайды.
«Біздің әскерилер Солтүстік Корея Пхеньян маңындағы аудандардан Жапон теңізіне қарай 24 шілдеде жергілікті уақыт бойынша 23:55-те және 25 шілдеге ауған түн ортасында атқан екі баллистикалық зымыранды анықтады», - делінген агенттік таратқан ақпаратта.
Онда екі зымыран да теңізге құлағанға дейін шамамен 400 км ұшқаны нақтыланған.
Сондай-ақ мәлімдемеде Оңтүстік Корея әскерилері ұшырылған зымырандардың нақты түрін анықтауға тырысып жатқандығы айтылған.
Зымырандар АҚШ-тың Annapolis атомдық сүңгуір қайығы Оңтүстік Кореяға келгеннен кейін ұшырылғаны аталып өтті.
Бұған дейін америкалық атом сүңгуір қайығының тағы бірі бірнеше ондаған жылдардан кейін алғаш рет Оңтүстік Кореяға Вашингтонның осы елді қорғау жөніндегі міндеттемелерін көрсету мақсатында әкелінгенін хабарлаған болатынбыз.
Соңғы күндері КХДР бірнеше рет зымыран ұшырды. Сонымен, Солтүстік Корея 18 шілдеде Жапон теңізі бағытында екі баллистикалық зымыранды, ал 22 шілдеде Сары теңіз бағытында қанатты зымырандар ұшырды.