Алдын ала мәліметтер бойынша өрт салдарынан зардап шеккендер жоқ
Фото ашық дереккөзден
Грекияның Корфу, Эвбея және Родос аралдарындағы әдеттен тыс ыстықтан басталған табиғи өртке байланысты туристер мен жергілікті тұрғындарды эвакуациялау әлі де жалғасуда, деп хабарлайды Sarbaz.kz Еуропаның бұқаралық ақпарат құралдарына сілтеме жасап.
Өрт сөндіру бөлімінің мәліметінше, 24 шілдеге қараған түні Корфудан 2466 адам эвакуацияланған. Операцияға жеке кемелер мен Жағалау күзетінің кемелері қатысқан. Жеке үйлер мен қонақүйлерге өрттің залалы тимеген көрінеді. Бірнеше өрт ошағына барған Солтүстік Корфу қаласының мэрі Джоргос Махимарис өрттің шығуына адамдардың от жағуы себеп болуы мүмкін деген болжам жасады.
23 шілде күні кешкісін Грекияның төтенше жағдайлар қызметі Санта, Мегула, Порт, Палия, Перития және Синиес аралдарындағы адамдарды эвакуациялау туралы бұйрық шығарды. TUI Group туристік компаниясы клиенттерге 24-25 шілде күндері нақты бірнеше қонақүйде болуды, әуежайға жетуге тырыспауды ұсынды.
Ел билігі Эвбея аралындағы төрт оңтүстік елді мекеннің азаматтарына өрттің батысында орналасқан Каристос қаласына көшуге кеңес берді.
Kathimerini жексенбіде хабарлағандай, Грекияда ауа температурасының жаңа рекорды орнатылған. Пелопоннес түбегінің оңтүстік бөлігіндегі Йитион қаласында температура 46,4 градусқа жеткен. Елде қазір 82 өрт сөндіріліп жатыр. Оның 64-і жексенбіде басталған.
Бұған дейін Родос аралынан 19 мыңға жуық өрт шыққаны туралы хабарлаған болатынбыз. Жергілікті үкіметте бұл ел тарихындағы ең ірі операция деп аталды. 16 мың адам аралдан әуе арқылы, қалғаны теңіз арқылы шығарылды.
Грекияның туризм министрі Ольга Кевалогианни журналистерге Родос қонақүйлерінде туристерге арналған орын жоқ екенін, эвакуацияланған адамдар спорт залдарда, конференц-залдарда және тіпті жергілікті тұрғындардың жеке үйлерінде орналасқанын айтты.
Сондай-ақ ол өрт салдарынан Арал аумағының 50 пайызы зардап шекті деген пікірді жоққа шығарды. Оның айтуынша, бұл аймақ әлдеқайда аз, яғни Родостың жалпы аумағының шамамен 10 пайыздан 20 пайызына дейінгі жерді құрайды.
Алдын ала мәліметтер бойынша өрт салдарынан зардап шеккендер жоқ.