Ол мұсылман елдерін бірігуге шақырды
Иран президенті Эбрахим Раиси палестиналықтардың Израиль режиміне қарсы «Аль-Ақсаға шабуыл» операциясы деп аталатын күресі туралы хабарлама жіберіп, палестиналықтардың жеңіске жететініне сенімділік білдірді. Бұл туралы Sarbaz.kz тілшісі Mehr News басылымына сілтеме жасап хабарлайды.
Эбрахим Раиси жексенбіде жарияланған жолдауында Иран бүгінге дейін зардап шегіп келе жатқан Палестина халқына көңіл бөлуге, онда жасалып жатқан қысым мен әділетсіздікке, әйелдер мен тұтқындарға зорлық көрсетіліп жатқанына және мұсылмандар үшін қасиетті болған Құдсқа қорлық көрсетіліп жатқанына, сол сияқты өзге де жағдайларға назар аударуға шақырды.
«Иран Палестина халқының заңды қорғанысын қолдайды. Сионистік режим мен оның жақтастары аймақ халықтарының қауіпсіздігіне нұқсан келтіріп жатқанына жауапты әрі олар бұл үшін жауапқа тартылуы керек.
Мұсылман елдерінің үкіметтері Палестина халқына адал қолдау көрсету керек.
Соғысты бастау оларға пайда әкелмейді. Палестина халқы осы соғыс алаңында жеңімпаз болып саналады», - деп қосты ол.