280-нен аса адам құтқарылды
Фото ашық дереккөзден
Өткен аптада елімізде 355 төтенше жағдай тіркелді. Бұл туралы Sarbaz.kz ТЖМ-ге сілтеме жасап хабарлайды.
355 төтенше жағдайдың 107-сі табиғи сипаттағы болса, 248-і техногендік.
«Құтқарушылар төтенше жағдай орнына барлығы 2224 рет шықты. 284 адам, оның ішінде 55 бала құтқарылды. 201 адам (40 бала) эвакуацияланды.
Бір апта ішінде елімізде 278 өрт, 1302 жану, 431 басқа тосын оқиғалар орын алды», - делінген ТЖМ хабарламасында.
112 құтқару қызметіне 154 146 қоңырау келіп түсті және 134 дауылды ескерту жіберілді.