Сарбаздардың тұрмыстық жағдайларымен танысты
Алға қойған қызметтік барысымен Қазақстан Республикасы Қарулы Күштері Құрлық әскерлерінің Бас қолбасшысы генерал-майор Асан Жүсіпов Приозерск гарнизонында болды, деп хабарлайды Sarbaz.kz.
Басты мақсат – осы аталған әскери ортадағы қызмет етіп жүрген әскери қызметшілердің тыныс-тіршілігін көзбен көру болатын. Алдымен, Қазақстан Республикасы Қарулы Күштері Құрлық әскерлеріне қарасты «Астана» өңірлік қолбасшылығының 06708 бөліміндегі жаңадан салынған модульдік сарбаздар үй-жайының табалдырығын аттап, мерзімдік қызмет әскери қызметшілердің жатын орнын көзбен көріп, олардың тұрмыстық жағдайларымен танысты.
Сонымен қатар, Приозерск гарнизонындағы әскери бөлімдер мен мекемелерінің алда келе жатқан жылу беру маусымына дайындық жұмыстарын аралап көріп, бөлім командирлері мен мекеме басшыларына бірқатар тапсырмалар берді.