Алматы облысы, Қаскелең қаласындағы «Алтын ауыл орта мектебінде» тәрбиелік мәні зор «Тарихқа тағзым. Тарихқа құрмет» атты кездесу кеші өтті. Оған «Ардагерлер Одағының (Тәжік-Ауған шекарасында жауынгерлік қимылдарға және әскери қақтығыстарға қатысушылар) республикалық қоғамдық бірлестігінің» ардагерлері Қаныбеков Пердебай Қарсыбайұлы, Абылқасымов Төлеубек Мәженұлы және Махмұт Жеңіс Әбдіханиұлы қатысты.
Іс-шара барысында ардагерлер өздерінің басынан өткен оқиғаларын айтып, оқушылар сұрақ қойып, екіжақты диалог құрылды. 9-11 сынып оқушылары арасында АК-74 автоматын уақытқа жартылай бөлшектеп, қайта жасақтау бойынша жарыс өткізілді. Осы жарыс ардагерлерлер төрешілдігімен өтіп, қыздар арасынан: 1 орын 9 «В» сынып оқушысы Хакимова Диана, 2 орын 9 «Ж» Болысбай Дәмелі, 3 орын 11 «Г» Ержанова Аяулым алса, ұлдардан 1 орын 9 «Ж» Жалғас Нұрасыл, 2 орын 11 «Г» Каримов Ералы , 3 орын 10 «Б» Жеңісбаев Сейтқасым иеленді.
Запастағы майор Меруерт Аманова,
Алғашқы әскери және технологиялық дайындық пәні оқытушы-ұйымдастырушысы