Елордадан бастап емен-жарқын әңгімелескен ата-аналардың екіншісі –Кәміт Нұрбек деген ағамыз. Оның перзенті – Ерғали Нұрбекұлы. 2001 жылғы екен. 24 жасында әскерге аттанған. Оған дейін колледжде оқыпты.
Бала кезден спортшы болғанды армандаған. Сондықтан спорт саласына бейім болып өсіпті. Адамның дегені кейде бола бермейді ғой, бұл саланың кәнігі маманы бола алмаса да, әлі күнге одан қол үзбеген. Азаматтық өмірде өзіне құрылыс жұмыстарын да серік еткен. Колледжден кейін біраз уақыт осы салада жұмыс істепті. Әкесінің айтуына қарағанда, мұндағы мамандыққа тез бейімделіп, аз уақыттың ішінде айтарлықтай жетістіктерге жеткен.
Ерғалидың да ел әскеріндегі көңіл-күйін байқап қайттық. Еңсесі биік. Ол да армияда алаңсыз жүр.