Төрімізге аттағалы тұрған Жаңа 2025 жыл қарсаңында "Астана" өңірлік қолбасшылығы әскерлеріне қарасты 06708 әскери бөлімінің бірқатар көп балалы әскери қызметшілердің балғын шақтағы балалары мерекелік қуанышқа бөленді.
06708 әскери бөлімінің командирі подполковник Дамир Шарипов көп балалы отбасылардың үйлерінде болып, алдынан жүгіріп шыққан ұл-қыздарына Жаңа жылдық сыйлықтарды өз қолымен табыс етті.
Алдымен, бөлім командирі подполковник Д.А. Шарипов әскери бөлімнен тысқары, Приозерск қаласының тұрғындары қатарынан тұрмыс тіршіліктері төмен, әлеуметтік көмекке мұқтаж жандарға көмек көрсетуді жөн санады. Мұқтаж жандардың отбасыларында болған әскери лауазымды тұлға күнделікті тұрмыстық тіршіліктерін көзбен көріп, отбасыда тұрып жатқан тұрғындардан қандай шешуді қажет ететін мәселелері бар екенін сұрап білді. Отбасы мүшелеріне өзімен бірге ала келген азық-түліктерді үлестіріп, Жаңа жылда жаңа табыстарға жетуіне тіледі.
Бөлім командирі подполковник Дамир Алтайұлы өз кезегінде: "Біз әскер адам болған соң, ешкімді бөлежармау керекпіз. Нағыз Отан қорғаушы ретінде әлеуметтік қолдауды қажет ететін мұқтаж жандарға қол ұшын созып, көмек беруден жалықпағанымыз абзал" - деп, ой түйді. Жаңа жыл қарсаңындағы осы бір игілікті іс-шара барысында Қазақстан Республикасы Қарулы Күштерінің ардагері Тілек Кенжебеков 06708 әскери бөлімі командирінің қасынан табыла білді.