Жуырда «Астана» өңірлік қолбасшылығы 06708 әскери бөлімінің «Жас зеңбірекші» әскери-патриоттық клубының тәрбиеленушілері Қарағанды облысының қалалық форумына қатысты.
Көпшілік жиналған ортада Приозерск қалалық мәслихатының төрағасы Алтай Исатаев «Жас зеңбірекші» әскери-патриоттық клубының тәрбиеленушілері мен Приозерск қаласының №1 жалпы білім беретін мектебінің оқушылары Толғанай Ерікқызы Таткенді, Біржан Ермахамбетұлы Махмудты және Төремұрат Мәдихан Медетұлын алғыс хатпен марапаттады.
«Талап-2024» сыйақысының «Үздік әскери-патриоттық клуб жетекшісі» номинациясының арнайы сертификаты «Жас зеңбірекші» әскери-патриоттық клубының жетекшісі Тілек Кенжебековке табыс етілді.
Думан Жұмашұлы