Жетісу гарнизонына қарасты 54380 әскери бөлімінде әскери қызметшілерімен қысқы оқу кезеңі басталар алдында қауіпсіздік талаптарын сақтау бойынша кешенді нұсқау-әдістемелік сабақтар өтті.
Әскери қызметшілерді жауынгерлік даярлық бағдарламасының іс-шараларын және күнделікті қызметті орындау барысында қауіпсіздік талаптарын сақтау қағидаларымен таныстырды.
Әскери бөлімнің аумағында әскери техникалар паркі аймағында, казармалық үй-жайларда, спорт және қарауыл қалашықтарында, тактикалық алаңда және әскери қызмет атқаратын басқа да орындарда көрнекі құралдармен оқу орындары ұйымдастырылды.
Сабақ жетекшілері қару-жарақпен және әскери техникамен жұмыс барысында қауіпсіздік шараларын сақтау, жеке құрам қарауыл қызметін атқару кезіндегі жалпы талаптар, атыс қаруымен жұмыс істеу кезіндегі қауіпсіздік ережелері бойынша нұсқамалар өткізді. Сондай-ақ, өрт және электр қауіпсіздігі ережелерін сақтау, түрлі жарақаттар алған кезде алғашқы көмек көрсету бойынша нұсқаулық өткізілді.
– Қауіпсіздік талаптары бойынша сабақтар Қарулы Күштердің әскери қызметшілерін жауынгерлік даярлау жоспарына сәйкес жеке құрамның 100% тарта отырып, желтоқсанда басталатын қысқы оқу кезеңі қарсаңында өтіп жатыр, - дейді 54380 әскери бөлімі командирінің орынбасары подполковник Нұрлан Қажуат.
Тәжірибе көрсеткендей, сапалы дайындалған және өткізілген осындай іс-шаралар жауынгерлерде қауіпсіздік шаралары туралы тұрақты білім қалыптастыруға, жеке құрамның жарақаттануының алдын алуды қамтамасыз етуге мүмкіндік береді.
Жетісу гарнизонының баспасөз қызметі