Абай облысы қорғаныс істері жөніндегі департаментінің әскери қызметшілері кәсіби мерекелерін салтанатты түрде атап өтті. Мерекелік шараға «Жас сарбаз» қозғалысының тәрбиеленушілері, ардагерлер мен мерзімді қызметтегі сарбаздар қатысты.
Салтанатты жиын барысында жергілікті әскери басқару органдарында қызметін атқарып жүрген мамандарға жылы тілектер мен лебіздер айтылды.
Үздік мамандар мадақтау қағазымен және әскери қызметшілерге кезекті әскери шендері табысталды. Мерекелік шара Ұлттық патриоттық орталығының Семей қалалық филиалы көркем өнерпаздарының концерттік бағдарламасымен аяқталды.
Абай өңірлік гарнизонының баспасөз қызметі