Ресей әскері Харьков маңындағы тағы төрт ауылды басып алғанын мәлімдеді
Украина Қарулы күштерінің бас қолбасшысы жағдайдың қиын екенін мойындады. Шабуылға ұшыраған аймақтың билігі халықты эвакуациялауда
Ресей қорғаныс министрлігінің хабарлауынша, Ресей әскері Харьков облысындағы тағы төрт елді мекенді басып алған. Жексенбі, 12 мамырда департамент Гатище, Красное, Мороховец және Олейниково ауылдары бақылауға алынғанын хабарлады.
Олардың хабарлауынша, Ресей армиясы Волчанск, Дегтярный және Казачье Лопани маңындағы украиндық позицияларға соққы берді.
Украина Қарулы күштерінің бас қолбасшысы Александр Сырский осы аптада аймақтағы жағдай айтарлықтай нашарлағанын растады. Оның айтуынша, қазір шекаралас аймақтарда ұрыс жалғасуда.
Жағдай қиын, бірақ Украина қорғаныс күштері қорғаныс шебін және позициясын ұстап тұру және жауды жеңіліске ұшырату үшін бәрін жасауда, – деп жазды ол Telegram-да.