Ол бұл туралы Францияға мемлекеттік сапары қарсаңында мәлімдеді
Фото: Reuters
Қытай төрағасы Си Цзиньпин Ресей мен Украина арасындағы қақтығысты шешу жолдарын қарастыру үшін халықаралық қауымдастықпен жұмыс істегісі келетінін мәлімдеді. Бұл туралы Sarbaz.kz тілшісі BBC агенттігіне сілтеме жасап хабарлайды.
Ол бұл мәселе туралы Францияға мемлекеттік сапары қарсаңында мәлімдеді.
«Біз бейбітшілік пен тұрақтылық Еуропаға тез оралады деп үміттенеміз және дағдарысты шешудің жақсы жолдарын табу үшін Франциямен және бүкіл халықаралық қауымдастықпен жұмыс істеуге ниеттіміз», - дей келе Қытай бұл соғысқа жанама да, тікелей қатысушысы да емес екенін айтты.
Дегенмен, Франция президенті Эммануэль Макрон Си Цзиньпинге Ресейді қолдаудың қауіптілігі туралы ескертті. Себебі Батыс елдерінің шенеуніктері Мәскеу қару-жарақ өндірісінде Қытай машиналарын пайдаланады деп алаңдайды.
Агенттік мәліметінше, Бейжіңнің Мәскеумен қарым-қатынасы соғыс басталғаннан кейін жылып кетті. Ал Батыстың басты мақсаты – Қытайдың Ресейге қару-жарақ жеткізуін тоқтату.
«Қытайды халықаралық тәртіптің тұрақтылығын өлшеуге мәжбүрлеу біздің мүддемізге сай келеді», - деді Макрон.