Оқиға 12 шілде күні Шортанды көлінде болған
Мемлекет басшысы қаза тапқан мұғалім Александр Руденконы ІІ дәрежелі «Айбын» орденімен марапаттады, деп хабарлайды Sarbaz.kz Ақордаға сілтеме жасап.
«Адам өмірін сақтап қалуға байланысты қиын-қыстау жағдайда көрсеткен ержүректігі мен жанқиярлығы үшін Астана қаласы әкімдігінің «№ 32 мектеп-гимназия» МКК алғашқы әскери дайындық пәнінің мұғалімі Александр Иванович Руденко ІІ дәрежелі «Айбын» орденімен наградталсын (марқұм)», - делінген Ақорда хабарламасында.
Айта кетейік, Александр Руденко 2023 жылдың 12 шілдесінде Шортанды көлінде суға батып бара жатқан баланы құтқарып, өзі қаза тапқан еді.