Палестина әлемді Израильдің Рафах қаласына шабуыл жасауына жол бермеуге шақырды
STRINGER
Әлемдік қауымдастық Израильдің Газа секторының оңтүстігіндегі Рафах провинциясына шабуыл жасауына жол бермеуі керек деп мәлімдеді Палестина премьер-министрі Мұхаммед Штайе. Бұл туралы Sarbaz.kz WAFA сайтына сілтеме жасап хабарлайды.
Оның айтуынша, Рафах аумағына әскердің кіруі «адамдардың күштеп қоныс аударуына» және бейбіт тұрғындардың өліміне әкеледі. Рафахта 500 мыңға жуық адам тұратынын жеткізді Үкімет басшысы.
Штайе «болашақта болуы мүмкін барлық қырғын үшін толық жауапкершілік» Израильге жүктелетінін айтып, халықаралық сотты аймақтағы соғысты тоқтату үшін шаралар қабылдауға шақырды.
Ал Израиль премьер-министрі Беньямин Нетаньяху әскерилер Египет шекарасындағы Рафах қаласында шайқасқа дайындалып жатқанын айтты.
Ақ үйдің Ұлттық Қауіпсіздік кеңесінің өкілі Джон Кирби бұл операция «апатқа әкелетінін» мәлімдеп, Вашингтон бұл шешімді қолдамайтынын жеткізді.