АҚШ әскері хусит қайықтарын суға батырғаннан кейін Иран Қызыл теңізге өз эсминецін жіберді
Omar Marques/Getty Images
31 желтоқсанда АҚШ Әскери-теңіз күштері Maersk контейнерлік кемесіне шабуыл жасаған хусит қайықтарын суға батырған еді. Келесі күні Иран Қызыл теңізге өзінің Alborz эсминецін жіберді, деп хабарлайды Sarbaz.kz bloomberg.com сайтына сілтеме жасап.
Бұл қадам шиеленісті күшейтіп, Вашингтонның сауда кемелерінің қауіпсіздігін қамтамасыз ету міндетін қиындатуы мүмкін.
1 қаңтарда Иранның Tasnim агенттігі Alborz Қызыл теңіз мен Аден шығанағын байланыстыратын Баб-эль-Мандеб бұғазын кесіп өткенін хабарлады. Мұндай шешімнің себептері нақтыланбаған.
Бұған дейін АҚШ Орталық қолбасшылығы (CENTCOM) хабарлағандай, хуситтер Сингапурда тіркелген Maersk Hangzhou контейнерлік кемесіне шабуыл жасап, кемеге отыруға тырысты. Сол жерге жақын болған USS Eisenhower және USS Gravely авиатасымалдаушыларынан ұшып шыққан тікұшақтар апат сигналына жауап беріп, үш хусит кемесін суға батырды. Он содыр қаза тапты.