Цунами биіктігі 5 метрге дейін жеткен
NASA/Хонсю, Жапония
Жапонияның батысында бірнеше минут айырмашылықпен 5,6 және 7 баллдық жер сілкінісі болды, деп хабарлайды Sarbaz.kz TV Asahi сайтына сілтеме жасап.
Жапонияда Хонсю аралының солтүстік-батыс жағалауында орналасқан Исикава префектурасында жер сілкінісі болды.
Жер сілкінісінің эпицентрі Ното түбегінде, ал ошағы 10 км тереңдікте болған. Бастапқыда жер сілкінісінің магнитудасы 7,4-ке бағаланып, кейіні бағалау 6,1-ге дейін түзетілді.
Жапония метеорологиялық агенттігі Ишикава, Ниигата және Тояма префектураларының батыс жағалауындағы аудандарда цунами туралы ескерту жасады.
Метеорологиялық агенттіктің мәліметі бойынша, биіктігі 5 метрге дейінгі цунами Исикава префектурасындағы Нотоға жеткен.