Блинкен маусым айында Қытайға барды
Фото ашық дереккөзден
АҚШ Мемлекеттік хатшысы Энтони Блинкен Вашингтон Бейжіңмен қарым-қатынасты тұрақтандыру үшін жұмыс істеп жатқанын және кез келген жанжалдан аулақ болғысы келетінін айтты, деп хабарлайды Sarbaz.kz тілшісі CNN-ге сілтеме жасап.
«Біз тұрақты қарым-қатынас орнату, бәсекелестіктің жанжалға айналмауы жолында жұмыс істеп жатырмыз», - деді Блинкен CNN арнасына берген сұхбатында.
Сонымен қатар ол АҚШ-тың Қытаймен байланыс арналарын күшейтуге ұмтылатынын айтты. Оның айтуынша, Бейжіңмен қырғи-қабақ болу қай тараптың болмасын, мүддесі үшін тиімсіз.
Маусым айында Қытайға барғанын тілге тиек еткен Блинкен:
«Менің қытайлық әріптестерге айтқаным түсінікті шығар. Яғни Қытай тарапы бізге ұнамайтын нәрселерді істеп, айта берсе, біз де оларға ұнамайтын нәрселерді жасап, айтудан танбаймыз», - деп атап өтті.
Биылғы ақпанда Америка өз аумағының үстінен Қытай аэростатын атып түсіргеннен кейін АҚШ-Қытай қарым-қатынасы шиеленісе түскен болатын. Алайда Вашингтон Блинкеннің маусым айындағы Бейжіңге сапарының нәтижесінде тараптардың екіжақты қарым-қатынасын біраз жетістік санап отыр.